Një nga zbulimet e Argjentinës kampione në Katar ishte edhe Alexis Mac Allister.
Mesfushori që aktivizohet me Brighton në Premier League ia doli të fitonte besimin e trajnerit Lionel Scaloni duke rezultuar si një nga titullarët kryesorë të kombëtares albiceleste.
Si rrjedhojë shumë klube nisën interesimet e para për Mac Allister mirëpo hapat konkretë i ka marrë Pep Guardiola. Sipas Tyc Sports, tekniku i Manchester City kontaktoi me mesfushorin për t’i ofruar një kontratë.
Gjithsesi, nga ana tjetër klubi i Brighton po reziston duke njohur edhe faktin se për lojtarin ka shumë interes. Disa nga klubet që pretendojnë shërbimet e Mac Allister janë Manchester United, Chelsea, Liverpool dhe Arsenal.
