Kryetari i Partisë së Lirisë, Ilir Meta është takuar ditën e sotme me disa të rinj dhe të reja, sipërmarrës në disa biznese në kryeqytet.
Ai thotë se forca politike që drejton propozon dhënien e granteve deri në 20.000 euro për çdo të ri dhe të re deri në 25 vjeç, që krijon një biznes social apo start-up.
Meta e vuri theksin në faktin se mbështetja e të rinjve për hapjen e bizneseve sociale do të na ndihmojë të frenojmë shpopullimin duke i mbajtur ato në vend.
“Kënaqësi të takohesha sot me të rinj dhe të reja, sipërmarrës në biznese të ndryshme në Tiranë.
Partia e Lirisë propozon dhënien e granteve deri në 20.000 euro për çdo të ri dhe të re deri në 25 vjeç, që krijon një biznes social apo start-up.
Mbështetja e të rinjve për hapjen e biznesve sociale, inkurajimi më i madh që ata ta ndërtojnë të ardhmen e tyre në Shqipëri dhe që shpopullimi të frenohet”, shkruan Meta.
