Që nga data e nisjes dhe deri më tani, polemikat që krijohen nga banorët e “Big Brother Vip” kanë transmetuar emocione të forta, ku secili banor me historitë dhe personalitetin e tij, është kthyer në protagonist të përditshmërisë sonë, duke na tërhequr edhe me raportet që krijojnë me njëri-tjetrin, por edhe me konfliktet që mbizotërojnë brenda në shtëpi.
Ngjarjet e krijuara në shtëpinë e BBV janë në qendër të vëmendjes dhe padyshim që edhe situatat e krijuara nga banorët e rinj, janë komentuar më së shumti brenda edhe jashtë shtëpisë.
Ndërkohë, pas një nominimi të fortë me Luizin dhe Kristin, ishte Armaldo ai që la shtëpinë e “BBV” këtë të shtunë. E teksa dinamikat ndryshojnë, Nita ka akuzuar Oltën për sjelljen e saj fallco.
“Këtu ndodh një rrëmujë. Po me Oltën u afruam emocionalisht. Nuk e kemi pasur me Oltën këtë lloj muhabeti. Ka patur raste që më ka vlerësuar. Mënyra si ma tha u preka. Fallco”,- shprehet Nita.
