Policia ka reaguar në lidhje me aksidentin e rëndë të ndodhur në orët e para të mëngjesit të sotëm në aksin Fushë Krujë – Thumanë.
Drejtuesi i automjetit ka qenë shtetasi Julian Koçaj, 34-vjeç, i cili ka humbur kontrollin dhe është përplasur me trafikndarësen.
Pasagjeri shtetasi Luan Dukaj, 50 vjeç ka ndërruar jetë si pasojë e aksidentit.
Njoftimi i policisë:
Krujë/Informacion paraprak
Në orët e para të mëngjesit, në autostradën Fushë Krujë-Thumanë, një automjet me drejtues shtetasin J. K., 34 vjeç, ka humbur kontrollin mbi drejtimin e automjetit dhe për pasojë automjeti është përplasur me trafikndarësen.
Nga përplasja e automjetit me trafikndarësen ka humbur jetën pasagjeri, shtetasi L. D, rreth 50 vjeç.
Grupi hetimor vijon punën për sqarimin e rrethanave të aksidentit.
