Gjykata ka vendosur ditën e sotme, masën e sigurisë ‘arrest me burg’ për 10 prej të arrestuarve, të cilët shpërndanin lëndë narkotike në Tiranë. Gjatë operacionit të koduar “Harta” u arrestuan 20 persona dhe 4 të tjerë u shpallën në kërkim.
Policia sekuestroi 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 milionë lekë të vjetra, 1700 euro, 11 automjete dhe 29 aparate celulare.
Masa u vendos sot për: Jurgen Hasmataj, Altin Lani, Armaldo Xheladini, Dorjano Çela, Fabian Qoku, Muharem Tarushi, Denis Idrizi, Erion Xhaxho, Polikron Shabani, Redi Lolaj.
Ndërkohë 10 të arrestuarit e tjerë do të njihen me masën e tyre të sigurisë, ditën e nesërme.
