Arsenali më në fund po i afrohet fitores së Premierligës pas gati dy dekadash. Me vetëm dhjetë ndeshje të mbetura në sezon, ky është shansi i artë për të fituar titullin e Premier League.
Arsenal ka pasur pak fat kur bëhet fjalë për lëndimet pasi Arteta ka përdorur të njëjtën skuadër pa pushim, ndërsa konkurrentët e tyre, City dhe United kanë pasur dëmtime lojtarësh gjatë gjithë sezonit.
Pra, cili është përditësimi aktual i skuadrës? Kush është lënduar, kujt i është dhënë pushim dhe cilët lojtarë janë gati të shkojnë kundër Leeds United të shtunën.
Willam Saliba
Saliba u zëvendësua gjatë ndeshjes së Arsenalit në Europa League kundër Sporting Lisbonës për shkak të një dëmtimi në shpinë. Që atëherë, asnjë lajm pozitiv nuk është shfaqur në lidhje me rikthimin e tij. Edhe Federata Franceze e Futbollit nuk e përfshiu lojtarin në grumbullinin e kualifikueses Euro 2024.
Takehiro Tomiyasu
Për shkak të një dëmtimi në gju kundër Sporting Lisbonës, Tomiyasu duhej të zëvendësohej. Pas një vlerësimi të mëtejshëm mjekësor, klubi ka deklaruar se futbollisti japonez është jashtë për të gjithë sezonin.
Mohamed Elneny
Elneny luajti 90 minutat e plota në paraqitjen e tij të fundit në Arsenal. Por që atëherë, ai ka munguar në skuadër. Sipas raportimeve, Elneny kishte një dëmtim në gju, dhe që prej asaj kohe stafi mjekësor i londinezëve është kujdesur për një rikthim më të shpejtë të tij. Nuk ka ende detaje se sa kohë do të jetë jashtë skuadrës.
Edi Nketiah
Eddie Nketiah na argëtoi kur Gabriel Jesus u dëmtua. Por pasi bëri 33 paraqitje për topçinjtë këtë sezon, anglezi është jashtë ekipit të parë të Arsenalit për shkak të një dëmtimi në kyçin e këmbës.
