Konceptet e gabuara mund të lindin për shkak të punës aktive të hormoneve në periudhën e parë të marrëdhënieve ose siç thonë psikologët, periudha e kimisë. Këtë ka treguar të paktën një analizë për divorcet në SHBA. Kjo fazë mund t’i bëjë njerëzit ‘të verbër’ dhe vetëm pas kësaj, ata do të kuptojnë që partneri i tyre nuk është aq ideal sa menduan.
Statistikat thonë se kimia në një marrëdhënie nuk ka të bëjë me dashurinë, ka të bëjë me pasionin dhe tërheqjen. Gjatë studimit, shkencëtarët u kërkuan më shumë se 300 njerëzve t’u përgjigjeshin pyetjes se çfarë do të thotë kimi në një lidhje për ta. Vetëm 9% e burrave dhe grave e shoqëruan këtë periudhë me “dashuri”. Përgjigjet si “reagimet biologjike” dhe “dëshira e ndërsjellë” u dhanë rreth 3 herë më shumë.
Ndërkaq, tërheqja romantike që ndiejmë për dikë buron nga faktorë po aq thelbësorë sa mikrobioma e një personi. Sipas studimeve, një mënyrë pothuajse instiktive për të ditur nëse dikush na pëlqen është të tërhiqemi nga aroma e tyre, e cila përcaktohet edhe nga mikrobioma e tyre.
