Një nga këngëtarët më të përfolur të momentit në botën e showbizz-it është Luiz Ejlli, banori më pretendent për të fituar çmimin e madh në shtëpinë e “Big Brother Vip”.
Nga largimi i moderatores Kiara Tito, këngëtari është parë i mërzitur e së fundmi ka bërë dhe një bisedë me Visin duke u shprehur se do të dëshironte ta dinte si e sheh Kiara tani nga jashtë.
I menjëhershëm ka qenë reagimi i moderatores duke e quajtur ‘luan’ këngëtarin.
“Zgjohem dhe fle përballë teje. 24/24 vetëm me ty! Vazhdo përpara Luani im!”, ka shkruar ajo.
Ndonëse Luizi tani po vazhdon i vetëm lojën brenda shtëpisë ai u shpreh se e kishte parë veten në finale bashkë me Kiarën, tani ai ndihet i shqetësuar se si do t’i përballojë Kiara kritikat jashtë shtëpisë që bëhen kundrejt saj.
Kujtojmë se Kiara la përfundimisht garën të shtunën për çmimin e madh të “Big Brother Vip”.
