Një ngjarje rëndë ndodhi mëngjesin e sotëm në Tepelenë, ku pas një konflikti të çastit burri ka qëlluar me thikë bashkëshorten e tij dhe më pas veten.
Shtetasja me iniciale F. N., 40 vjeçe, është goditur në pjesën e veshkës dhe ndodhet në gjendje të rëndë shëndetësore, ndërsa pritet të transportohet drejt Tiranës me helikopter.
Ndërsa bashkëshorti i saj (autori i këtij krimi në familje) është vetëgoditur në pjesën e qafës katër herë. Pavarësisht plagëve të marra, 42-vjeçari ka refuzuar të marrë mjekim.
Njoftimi i policisë:
Tepelenë/Informacion paraprak
Rreth orës 09:40, në lagjen “Selam Musai”, Tepelenë, dyshohet se pas një konflikti të çastit, në banesë, shtetasi L. N., 42 vjeç, ka goditur me mjet prerës (thikë), bashkëshorten e tij, shtetasen F. N., 40 vjeçe, dhe më pas është vetëdëmtuar me mjet prerës. Të dy këta shtetas janë transportuar në spital dhe ndodhen nën kujdesin e mjekëve.
Në vendngjarje ndodhet grupi hetimor, i cili po punon për zbardhjen e plotë të rrethanave ngjarjes.
