Sulmuesi anglez po shijon formën më të mirë të karrierës së tij te United, pasi ka shënuar 14 gola dhe ka dhënë tre asistime në 26 ndeshje në Premier League këtë sezon.
Forma e tij te United ka tërhequr interesin e parisjenëve, të cilët thuhet se kanë paraqitur një ofertë prej 400,000 £ në javë për Rashford për t’u larguar nga Old Trafford.
Koha e tij në Old Trafford mund të përfundojë së shpejti, duke pasur parasysh se kontrata e tij skadon në fund të sezonit. Negociatat mes tij dhe Unitedit vazhdojnë për finalizimin e një marrëveshjeje afatgjatë.
Megjithatë, javën e kaluar u pretendua se Rashford po vononte nënshkrimin e marrëveshjes, pasi po krijonte terren për një rritje page prej 500 000 pound në javë.
Por anglezi i ka hedhur poshtë thashethemet, duke i quajtur ato “të pakuptimta “.
“Pak para stërvitjes?! Është absurditet i plotë”, shkroi Rashford në Twitter.
“Klubi dhe unë kemi qenë të respektueshëm ndaj njëri-tjetrit dhe kështu do të mbetemi.
“Fokusi im është thjesht të përfundoj sa më mirë në ligë dhe të fitoj trofe”.
