Carlo Ancelotti duhet të zgjedhë sonte një formacion sulmues për përballjen e Real Madridit në El Clasico me Barcelonën, pasi ata kërkojnë të përmbysin rezultatin e ndeshjes së parë në Copa del Rey.
Blaugranët fituan 1-0 në ndeshjen e parë gjysmëfinale në Bernabeu, që do të thotë se Los Blancos nuk kanë zgjidhje tjetër veçse të jenë agresivë kur rivalët të mblidhen në Camp Nou.
Reali siguroi një fitore bindëse 6-0 ndaj Valladolidit në sfidën e tyre të fundjavës pasi Ancelotti vendosi një 4-2-3-1 me Marco Asensio dhe Vinicius Jr në krahë, dhe Rodrygo pas Karim Benzema.
Një qasje e ngjashme kundër Barcelonës është sigurisht e realizueshme edhe pse Ancelotti ka të ngjarë të gjejë hapësirë për Luka Modric dhe Federico Valverde pas pushimeve të tyre në stol herën e fundit.
Kur u pyet për dyshen e mesfushës të martën, Ancelotti tha: “Kroos dhe Modric janë të paprekshëm, por kjo nuk do të thotë se ata do të luajnë nesër. Ka shumë të paprekshëm, prandaj dhe zgjedhja bëhet më e vështirë. Duhet të mendoj për burimet që kam në pankinë. Fillimi nuk është gjëja më e rëndësishme.”
Antonio Rudiger pritet të rikthehet nga lëndimi, duke krijuar konkurrencë në mbrojtje me Ferland Mendy dhe David Alaba-n, ndërsa Eduardo Camavinga pritet ti lirojë vendin Lucas Vazquez në krahun e majtë dhe të vazhdojë përpara me Dani Carvajal në të djathtë.
Barcelona është pa të lënduarit Pedri, Andreas Christensen, Frenkie de Jong dhe Ousmane Dembele.
Xavi aktivizoi Eric Garcia-n në mesfushë pasi skuadra e tij rrëzoi Elchen të shtunën, por Sergio Busquets ka të ngjarë të kthehet në El Clasico.
Raphinha është rikthyer gjithashtu nga një dëmtim, duke vënë nën presion Ferran Torres dhe Ansu Fati, pavarësisht performancës së tyre të golave në atë fitore 4-0.
Formacionet e parashikuara
Barcelona : Ter Stegen; Araujo, Kounde, Alonso, Balde; Roberto, Busquets, Kessie; Raphinha, Lewandowski, Gavi.
Real Madrid : Courtois; Vazquez, Militao, Rudiger, Mendy; Kroos, Modric; Valverde, Rodrygo, Vinicius; Benzema.
