Çdo ditë, moderatorët e emisionit “Wake Up”, Blendi Salaj, Enxhi Nasufi dhe Neada Muçaj, komentojnë ngjarjet më të nxehta të “Big Brother VIP 2”.
Ata kanë në dispozicion vetëm 5 minuta që të flasin për momentet më pikante që kanë ndodhur brenda shtëpisë më të famshme në Shqipëri. Japin mendimet e tyre për debatet apo ngjarjeve që komentohen shumë edhe në rrjet.
Por duket se fansat e banorëve kur nuk u pëlqen një koment që moderatorët bëjnë, menjëherë u shkruajnë në rrjetet sociale ku i ofendojnë dhe kërcënojnë.
Gazetari i njohur, Blendi Salaj, teksa po komentonte sot disa momente të forta në BB VIP, tha se ka marrë dy kërcënime për jetë.
“Dje mora dy kërcënime me jetë nga ato që thamë në emision për Big Brother VIP, fansat e njërit prej banorëve të BB VIP që nuk dua t’i them emrin. Të cilët do ti delegoj në polici se jam shumë i shqetësuar”, tha Salaj.
