Një valixhe ka alarmuar autoritetet policore të Gjirokastrës. Në njoftimin zyrtar bëhet me dije se valixhja është konstatuar pranë një stacioni autobusi në lagjen ’18 shtatori’, rreth orës 19:20.
Shërbimet e policisë kanë kryer shërbimet e nevojshme dhe kanë arritur në përfundimin se valixhja ishte e mbushur me sende personale të një qytetari. Ky i fundit e kishte harruar dhe më vonë është kthyer ta marrë.
Njoftimi:
Rreth orës 19:20, në lagjen “18 Shtatori”, Gjirokastër, pranë një stacioni autobusi është konstatuar 1 valixhe. Menjëherë, në vendin e ngjarjes kanë shkuar shërbimet e Policisë, të cilët kanë kryer të gjitha procedurat standarde të verifikimit dhe ka rezultuar se në valixhe kishte sende personale të një qytetari. Qytetari që kishte harruar valixhen në stacionin e autobusave, është kthyer pas disa minutash, dhe e ka marrë atë.
