Presidenti i Barcelonës, Joan Laporta, ka vënë në shënjestër Real Madridin gjatë skandalit të vazhdueshëm Negreira, duke e quajtur atë “skuadrën e regjimit”.
Laporta ka pohuar gjithashtu se Blancos historikisht janë “favorizuar nga vendimet e arbitrave”, me Barçën që lufton për të pastruar emrin e tyre pasi u akuzua për blerjen e favorit nga zyrtarët e ndeshjes mes viteve 2001 dhe 2018.
Laporta ka thënë në konferencën për shtyp të së hënës: “Dua t’i referohem pranisë së një klubi, më vete, si një akuzë private në gjyq.
Një klub që thotë se ndihet i dëmtuar. Një klub që është favorizuar gjithmonë nga vendimet e arbitrave.
Është konsideruar si ekipi i regjimit. Për shkak të afërsisë së tyre me pushtetin politik dhe ekonomik.
Mendoj se ia vlen të kujtohet se për shtatë dekada, shumica e presidentëve të CTA kanë qenë ish-anëtarë, ish-lojtarë apo ish-drejtorë të Real Madridit.
Për 70 vjet, njerëzit që caktuan ata që duhej të jepnin drejtësinë në fushë, ata ishin ish-partnerët, ish-lojtarët apo ish-drejtorët e Real Madridit. Në disa raste, e gjithë kjo në të njëjtën kohë.”
Barça po përgatitet të argumentojë çështjen e saj në gjykatë, ndërkohë që përballet me sanksione të mundshme nga UEFA, por Laporta shtoi për akuzat që po bëhen kundër tyre:
“Kur doli kjo polemikë, për rastin e Negreira, ajo që u bë e qartë është se ishte një fushatë kundër reputacionit të Barcelonës.
FC Barcelona nuk ka bërë kurrë asnjë lloj aktiviteti me synimin për të luhatur konkurrencën në favorin tonë.
Ne kurrë nuk kemi bërë asgjë me qëllimin për të përfituar një avantazh sportiv. Kemi pësuar një goditje publike. Ata kanë supozuar se ne jemi fajtorë përpara se të gjykoheshim.
