Shefja e OSBE-ODHIR Audrey Glover vijon takimet në kuadër të zgjedhjeve vendore të 14 majit. Kësaj radhe, Glover është ndalur në një takim me sekretarin e Përgjithshëm të PS-së, Damian Gjiknurin.
Gjiknuri u shpreh se takimi ka qenë në kuadër të zgjedhjeve, ku janë diskutuar problematikat e PS-së lidhur me garën.
Pak ditë më parë, Glover është takuar me kreun e PL-së, Ilir Metën dhe ish-kryeministrin Sali Berisha. I pyetur nga gazetarja mbi këtë fakt, Gjiknuri shprehet se është diçka normale, pasi Glover i ka në axhendën e saj takimet me të gjitha palët në garë.
Sa për marrëdhënien Meta-Berisha, Sekretari i Përgjithshëm i PS-së, e cilëson si një martesë të rë, por me zakone të vjetra.
Gazetarja: Çfarë komenti keni për takimin e znj.Glover me Metën dhe Berishën?
Damian Gjiknuri: Nuk kam asnjë koment, është diçka normale, pasi Glover ka ardhur të takojë të gjitha palët që garojnë në zgjedhjet e 14 Majit. Martesa e tyre është e re, por me zakone të vjetra.
