Kolegji Zgjedhor rrëzoi sot kërkesën e koalicionit “Bashkë Fitojmë” për të vendosur emrin e Sali Berishës krah emrit të koalicionit në fletën e votimit.
Të njëjtin vendim dha edhe KAS, që u ankimua më pas nga koalicioni opozitar. Pas shqyrtimit të ankimin, kolegji vendosi rrëzimin e tij.
Kështu, krah emrit të koalicionit në fletën e votimit do të jetë ai i Ilir Metës.
Më herët, Kolegji Zgjedhor rrëzoi kërkesën e kolaicionit ‘Bashkë Fitojmë’, që kishte kërkuar që logot e partive të mos vihen krahas fletës së votimit për kryetarë bashkie.
Ndërkohë u rrëzua kërkesa tjetër e koalicionit ‘Bashkë Fitojmë’ për të zëvendësuar emrin si drejtues të koalicionit duke vendosur emrin Sali Berisha në vend të Ilir Meta në përmbajtjen e fletës së votimit për kandidatët për anëtarë të këshillit bashkiak në të 61 bashkitë e vendit.
