Mesditën e sotme, 51-vjeçari Petrit Vuksani u vra me armë zjarri në banesën e tij. Autori i vrasjes është identifikuar si Lekë Vuksani.
Viktima ishte i vetëm në banesë kur u qëllua me armë zjarri nga qiraxhiu i tij. 51-vjeçari kishte vetëm pak kohë që ishte kthyer në Shqipëri, pasi ishte në Angli. Nga dëshmitë e fqinjëve të viktimës, mësohet se ata nuk kanë dëgjuar asnjë të shtëne më armë zjarri.
Besohet se sulmi ka ndodhur me një armë zjarri me silenciator, ndërkohë që po punohet për zbardhjen e plotë të ngjarjes.
