Ish-kreu i Parlamentit Europian, Martin Schulz zhvilloi ditën e sotme një takim me Sekretarin e Përgjithshëm të Partisë Socialiste Damian Gjiknuri në selinë rozë. Gjatë fjalës së tij për mediat, Schulz dha edhe një mesazh për largimin e të rinjve shqiptarë drejt Gjermanisë.
Ai pranoi se ky tashmë është fakt. Por, teksa vlerësoi punën e qeverisë shqiptare në përgjithësi, u shpreh se fokusi te punësimi duhet të jetë më i madh.
“Të rinjtë po ikin. Qeveria ka bërë një punë shumë të mirë, megjithatë duhet të fokusohet më shumë te pjesa e punësimit” – tha Schulz.
