Superylli i Milanit, Rafael Leao, është i lënduar dhe ndoshta nuk do të shkojë as në stol për ndeshjen e parë gjysmëfinale të Ligës së Kampionëve sonte kundër Interit.
Kjo sipas gazetarit të transmetuesit italian SportMediaset, Marco Barzaghi, i cili e pohoi këtë në Twitter pak momente më parë.
Sipas Barzaghit, lëndimi i superyllit portugez është aq i keq sa që me shumë gjasa nuk do të shkojë as në stolin e derbit të Milanit sonte.
Rafael Leao u lëndua në pjesën e parë gjatë fitores mbresëlënëse 2-0 të AC Milan ndaj Lazios në Serie A këtë fundjavë të kaluar duke e detyruar atë të largohej.
Që atëherë është raportuar se anësori ndërkombëtar portugez ka pësuar një zgjatje të muskujve rrëmbyes të djathtë.
Trajneri i kuqezinjve, Stefano Pioli, pohoi dje se duhej ta kërkonte dëmtimin në Google, pasi ai e konsideroi terminologjinë e dëmtimit të Leaos si konfuze.
“Edhe unë kërkova fjalën ‘zgjatje’ në Google kur dolën rezultatet mjeksore. Ai do të jetë këtu sot në mëngjes dhe do të përpiqet ta kapërcejë atë. Ai madje mund të luajë, por vetëm nëse është mirë.
“Ose ai luan ose nuk do të zgjidhet në stol, kjo do të varet nga intensiteti i punës që do të jetë në gjendje të bëjë. Bazuar në karakteristikat e lojtarit, Leao është dikush që duhet të jetë 100% për të bërë diferencën.”
AC Milan pret Interin në ndeshjen e parë të gjysmëfinales së Ligës së Kampionëve sonte, , me fillimin e në orën 21:00.
