Këngëtarja me famë ndërkombëtare Rihanna dhe reperi i njohur A$AP Rocky e kanë quajtur djalin e tyre RZA Athelston Mayers, sipas Daily Mail. Djali i tyre mesa duket mban emrin e producentit dhe reperit RZA, liderit të klanit Wu-Tang.
Rihana lindi djalin më 13 maj 2022. Ata nuk ndanë asnjë foto të foshnjës për disa muaj derisa sipërmarrësja më në fund postoi një video të tij në Instagram.
Në shkurt 2023, këngëtarja zbuloi gjatë performancës së saj në ‘Super Bowl’ se ajo dhe reperi janë në pritje të fëmijës së tyre të dytë.
Rikujtojmë se, para lidhjes së saj me A$AP, Rihanna ishte në një romancë 4-vjeçare me biznesmenin saudit Hassan Jameel. Ajo gjithashtu ka qenë në lidhje me Travis Scott, Chris Brown dhe Drake.
