Kandidati i koalicionit ‘Bashkë Fitojmë’ në bashkinë Lezhë, Pashk Gjoni ka votuar pranë Pallatit të Kulturës. Pas votimit, ai ka dhënë një deklaratë për mediat ku ka ngritur akuza ndaj kundërshtarit duke u shprehur se gjatë natës ka patur shantazhe dhe qarkullim.
Sot shqiptarët do votojnë për 61 kryetarët e rinj të bashkive dhe për Këshillat Bashkiakë. 3 milionë e 650 mijë e 550 qytetarë me të drejtë vote, 122 mijë e 545 të rinj votojnë për herë të parë. Në 61 bashki të vendit janë të hapura 5 213 qendra votimi nga ora 07:00-19:00. Për herë të parë në Kamëz, Vorë dhe Elbasan do të ketë votim dhe numërim elektronik. Rezultati pritet të dalë pak minuta pas orës 19:00 dhe do të mësohen drejtuesit e rinj të bashkive.
