Këshilli i Lartë i Zgjedhjeve (YSK) ka deklaruar se zgjedhjet presidenciale do të shkojnë në balotazh më 28 maj pasi asnjë kandidat nuk ka siguruar minimumin 50 për qind të kërkuar për të fituar gjatë raundit të parë.
Aktualisht, presidenti aktual Rexhep Tajip Erdogan ka siguruar 49.51 përqind të votave ndërsa kandidati i opozitës Kemal Kilicdaroglu i Aleancës së Kombit ka siguruar 44.88 përqind.
Ndërkohë, Sinan Ogan i Aleancës Ata siguroi 5.17 për qind dhe Muharrem Ince siguroi 0.44 për qind por ishte tërhequr nga gara.
Balotazhi do të jetë midis Erdogan dhe Kilicdaroglu pasi të dy siguruan përqindjen më të lartë të votave.
Qendrat e votimit u hapën në orën 8:00 të mëngjesit (0500 GMT) dhe u mbyllën në orën 17:00 (1400 GMT) të dielën. Mediat u ndaluan të raportonin rezultate të pjesshme derisa një embargo u hoq në orën 18:30 (1530 GMT) nga YSK.
