Gjatë mbrëmjes së djeshme, Luiz Ejlli ka hyrë live në “Instagram”-in e tij. Teksa po darkonte me bashkëshorten, Kiara Titon, fituesi i “Big Brother VIP” hyri live për t’u treguar të gjithëve se ata janë bashkë.
Duke qenë se më herët u aludua se marrëdhënia e tyre ishte krisur, fansat i kërkuan që ai ta puthte Kiarën, në mënyrë që të hiqnin të gjitha dyshimet.
Në ato momente, këngëtari i tha partneres së tij që të çoheshin nga tavolina dhe të dilnin jashtë, pasi aty kishte dhe fëmijë.
Luizi u vendosi një kusht ndjekësve të tij. Ai u tha se nëse do të shkonin 100 mijë ndjekës që po shikonin live-n, atëherë ai do e puthte Kiarën.
Në pak minuta u arritën 103 mijë ndjekës. Për këtë arsye, Luizi e mbajti fjalën dhe e puthi partneren e tij, duke hedhur poshtë të gjitha aludimet se ata janë ndarë.
