Servet Karaj, babai i 15-vjeçarit që i mori jetën Fatjon Bicit në Gramsh, ka dënuar aktin e rëndë të të birit, ndërsa rrëfeu se nuk ka pasur komunikime me familjarët e viktimës. Serveti tregoi në një intervistë për “Report Tv” se i biri ndiqte procesin mësimor rregullisht dhe se nuk ishte problematik. Por ai nuk ka qenë në dijeni që djali i tij ka pasur probleme me bashkëmoshatarë të tjerë, e po kështu që mbante thikë.
Pjesë nga intervista:
Servet Karaj- Jo vente në shkollë, nxënës mesatar, ishte i rregullt. Të shtunë e të dielë punonte me nipçen, nuk ishte problematik.
Gazetari- Keni komunikuar me familjarët e viktimës?
Servet Karaj- Jo, nuk kemi komunikuar. Nuk mundemi dot, vetë nuk vete dot se iku një djalë 15-vjeç. Jam i tronditur. Mjer ai që iku dhe mjerë ne. Se ky sa do ri e do dali. Mjerë dhe ne që na zuri.
Gazetari- Çfarë prisni nga drejtësia?
Servet Karaj– Drejtësia të bëjë detyrën e vetë, drejtësia duhet për të gjithë.
Gazetari- Takimi që ke bërë me djalin, çfarë të ka thënë?
Servet Karaj-Asnjë takim nuk patëm. Siç lexova dëshminë. Djali ishte shumë i tronditur. Edhe unë nuk e pandeha një gjë të tillë, nuk e prisja.
Gazetari- A e dënoni këtë akt të rëndë?
Servet Karaj– Po patjetër
Gazetari– Në çfarë moshe i keni blerë djalit telefon?
Servet Karaj- 13-14 vjeç se i duhej për mësimet
Gazetari- Ishit në dijeni të konfliktit që kishte nisur dy muaj më parë?
Servet Karaj- Jo nuk isha në dijeni
