Vrasja që tronditi gjithë Greqinë që pati për viktimë bukuroshen 20-vjeçare me origjinë britanike, Caroline Crouch, ende nuk ka përfunduar dhe drama të shumta po luhen edhe midis personazheve të tjerë të historisë.
Në qendër të opinionit tashmë pas bashkëshortit vrasës të Caroline, është vënë edhe vajza e vogël Lydia, e cila duket se do të ketë një jetë të vështirë pa prindërit e saj.
Gjyshja e saj, dhe njëherësh nëna e Caroline, ka kërkuar kujdestarinë ekskluzive të mbesës, Lydia, për ta marrë atë në ishullin Alossinos.
Dy familjet kanë diskutuar këto ditë për kujdestarinë, por nëna këmbëngul që të marrë kujdestarinë pasi sipas saj, “Në Athinë Lydia e vogël do të jetë vajza e vrasësit, kurse në Alossinos vajza që humbi nënën e saj”.
Avokati i familjes së Caroline Crouch thotë se, familjet po bisedonin deri natën e kaluar dhe janë në humor të mirë për bisedime.
“Ne erdhëm për t’i paraqitur prokurorit të të miturve kërkesën për kujdestarinë ekskluzive të Lydia nga nëna e Caroline. Ne u informuam se raportet janë pozitive, veçanërisht për Alonissos.
Ne paraqitëm një kërkesë për t’i caktuar kujdestarinë nënës së Caroline, sepse është mjedisi më i përshtatshëm, pasi në Athinë, Lydia e vogël do të jetë vajza e vrasësit, të Alonissos.
Unë u trondita kur lexova një raport nga punonjësi social se Lydia e vogël, edhe pse është një e porsalindur, mund të shpëtojë pa skena dhune. Deri natën e kaluar, të dy palët ishin duke biseduar dhe tashmë janë në një humor të mirë për bisedime”,- tha avokati i familjes.
/Priza.al/
