Një person ka humbur jetën dhe 15 të tjerë janë plagosur në një sulm me raketa në një spital në Dnipro, në lindje të Ukrainës.
Presidenti ukrainas, Volodymyr Zelensky, konfirmoi sulmin dhe tha se autoritetet po punonin për të shpëtuar të tjerët nga spitali.
Ai tregoi se të gjitha autoritetet e nevojshme janë përfshirë në misionin e shpëtimit.
Më herët, guvernatori rajonal, Serhiy Lysak, u shpreh se qyteti ishte sulmuar nga raketa dhe dronë.
Autoritetet ukrainase thanë se kanë rrëzuar 17 raketa dhe 31 dronë të lëshuar nga Rusia gjatë natës.
Rusia ka intensifikuar sulmet e saj ndaj Ukrainës javët e fundit, duke synuar objektet e infrastrukturës përpara një kundërofensive të pritshme ukrainase.
