Vite më parë, gazetari dhe moderatori i njohur Adi Krasta refuzoi për dy netë me radhë të përmendte emrin e Luiz Ejllit teksa e prezantonte në Festivalin e RTSH-së.
Kënga e Ejllit ishte në bashkëpunim me Rezarta Smajën, me titull “Ra një yll” por Krasta nuk denjoi t’ia përmendë emrin Luizit në prezantim.
Kështu ka bërë edhe së fundmi, kur të ftuar në emisionin e tij kishte aktoren Eva Alikaj. Moderatori e pyeti edhe për eksperiencën e saj në “Big Brother VIP” por kur Eva nisi të fliste për Luizin, Krasta e ndërpreu, duke lënë të kuptohet se nuk i ka lënë inatet e vjetra.
Moderatori i ka kërkuar Alikajt të mos përmendte asnjë emër tjetër, sepse pyetja ishte specifikisht për të.
Rikujtojmë se Luiz Ejlli e ka përmendur Adi Krastën në BBV duke thënë se 10 milion lekët që kishte fituar nga çmimi i “Ethet e së Premtes” nuk ia ishin dhënë, pasi i kishte mbajtur Krasta për të blerë një makinë.
Duket se këtë fjali, Luizi duhet ta ketë thënë edhe më herët, duke sjellë prishjen e raportit mes tyre.
