Gazetari investigativ Artan Hoxha ka rikujtuar sot vrasjen e biznesmenit Artan Santo, i cili u ekzekutua më 26 qershor 2014. Në një postim në rrjetet sociale, Hoxha thotë se njësoj si 7 vite më parë edhe sot, asgjë nuk ka ndryshuar. Ndër të tjera, gazetari shprehet se nëse do të vazhdonte investigimi për vrasjen e tij se cilët ishin urdhëruesit apo ekzekutorët do ishte njësoj e rrezikshme ashtu si 7 vite më parë.
“Fiks ne te njejten ore, si 7 vite me pare…. Asgje nuk ka ndryshuar nga ai mengjes i nxehte fundqershori… Tan Santo, nese na sheh nga aty lart, te rremosh mbi atentatin tend sot, se cilet ishin urdheruesit, organizatoret, ekzekutoret apo ata qe ndihmuan ne fshehjen e gjurmeve, eshte po aq e rrezikshme sa para 7 vitesh…”-shkruan Hoxha, ndërsa ka ripostuar publikimin e 7 viteve më parë.
POSTIMI I ARTAN HOXHËS NË FACEBOOK:
Si u vra Artan Santo?
Artan Santo u ekzekutua në 26 qershor të vitit 2014 përpara zyrës së tij të punës në ish-Bllok, në një nga rrugët më të frekuentuara të kryeqytetit. Pak çaste pasi kryen krimin e rëndë, atentatorët e Santos u larguan me motor, ndërsa Policia shoqëroi dhe mori në pyetje mbi 200 persona. Sot, 7 vite nga vrasja, ende nuk ka asnjë të akuzuar për vrasjen e 58-vjeçarit.
/Priza.al/
