Një ditë më parë, titujt e mediave britanike u pushtuan nga fotografitë e Ministrit të Shëndetësisë në Britani, Matt Hancock teksa shkëmbente puthje pasiononte me sekretaren e tij Gina Coladangelo.
Ditën e sotme, mediat kanë bërë publike edhe videon e kësaj skene. Në pamje duket ministri që kontrollon korridorin për të parë nëse kishte ndonjë person. Sapo mbyll derën, sekretarja i afrohet dhe ai nuk heziton që ta puthë dhe ta prekë në trup.
Pas skandalit, Hancock u shpreh i penduar për shkeljen e masave , por nuk bëri asnjë koment për tradhtinë ndaj gruas së tij, me të cilën është i martuar prej 15 vitesh dhe kanë tre fëmijë.
Ndërkohë, nga fotot e publikuara nga mediat britanike vihet re se sekretarja 43-vjeçare largohet me makinën 70 mijë paund “Audi Q7”, nga shtëpia luksoze prej 3.6 milionë paund.
Ajo u largua pa bashkëshortin e saj milioner dhe themeluesin e “Oliver Bonas”, Oliver Tress. Por para se Gina të largohej, është parë teksa komunikonte me 54-vjeçarin. Sipas “The Sun”, ajo nuk është kthyer në pronën e saj në Londrën jugperëndimore.
Gjithashtu babai i saj 70-vjeçar, Rino Coladangelo, CEO i firmës ndërkombëtare farmaceutike Rephine, ka folur me të. Nga ana tjetër, fqinjët e habitur nga kjo histori e kanë përshkruar Ginan si “të mrekullueshme”.
/Burimi The Sun/ përshtati në shqip Priza.al/
