Një adoleshent që dyshohet se qëlloi dhe plagosi rëndë një mësues në një shkollë në Lukavac, në verilindje të Bosnjës dhe Hercegovinës, është arrestuar nga forcat e sigurisë, thanë autoritetet lokale dhe familja e viktimës.
Incidenti vjen një muaj pasi një djalë 13-vjeçar në një shkollë në Beograd, në Serbinë, vrau nëntë nga shokët e tij të klasës.
“Fëmija, i cili nuk është ende 14 vjeç, është nën mbikëqyrjen e policisë në stacionin e policisë Lukavac,” tha në një deklaratë Ministria e Brendshme e Kantonit Tuzla. “Arma e zjarrit dhe sendet e tjera janë zhvendosur në një vend të sigurt derisa të fillojë hetimi,” shtoi ministria, duke konfirmuar plagosjen e një punonjësi të shkollës. Oficerët e policisë kanë bllokuar hyrjen përreth ndërtesës.
Sipas Ministrisë së Arsimit, sulmuesi i supozuar është një ish-nxënës i kësaj shkolle, i cili së fundi ka ndryshuar ambientin shkollor. “Fëmija është transferuar në një shkollë tjetër në fillim të gjysmës së dytë të vitit shkollor, për arsye disiplinore”, tha Ahmet Omeroviq, duke njoftuar njëkohësisht përfundimin e mësimit në të gjitha shkollat e Tuzlës.
Viktima është një mësues anglishteje, e cila ka shërbyer edhe si zëvendësdrejtor në këtë shkollë, tha babai i tij para gazetarëve. Në Bosnje, fëmijët e moshës 6 deri në 15 vjeç ndjekin shkollat fillore.
Mesuesi po i nënshtrohet një operacioni dhe gjendja është stabël, shtoi babai i tij Ismet Osmanovic.
Sipas spitalit ku po trajtohet, profesori ka plagë plumbash në qafë.
Pas përfundimit të luftës në Bosnje në vitin 1995, autoritetet u bënë thirrje qytetarëve që të dorëzonin armët dhe u dhanë amnisti atyre që do ta bënin këtë vullnetarisht. Policia kontrolloi edhe shtëpitë për të gjetur armë pa leje. Megjithatë, shumë armë ende qarkullojnë në vend. Të paktën 31 në 100 banorë zotërojnë një armë, sipas grupit kërkimor Small Arms Survey (SAS). Në Serbinë fqinje, kjo përqindje arrin në 39%, pra është më e larta në Evropë.
