Dy persona janë arrestuar, pasi akuzohen se gjatë tre muajve të fundit kanë kryer një sërë vjedhjesh në banesa të ndryshme. Pas denoncimeve të marra nga qytetarët, për raste të ndryshme vjedhjesh në banesa, Policia Kavajë ka organizuar dhe finalizuar operacionin policor të koduar “Seven”.
Në kuadër të këtij operacioni u zbardhën 7 raste vjedhjesh, të kryera në Kavajë, gjatë periudhës prill-qershor 2023, si dhe u arrestuan 2 autorët, shtetasit Shkëlqim Çopa, 20-vjeç dhe Alfred Përshtaku, 29-vjeç, të dy banues në Golem. Në bashkëpunim me njëri-tjetrin, kanë vjedhur në 7 banesa të ndryshme në qytetin e Kavajës, pajisje elektrike, mobilje dhe vegla pune.
