Prej disa vitesh një grup çunash nga Lushnja dhe Fieri kanë ngritur një klub të automobilistëve që kanë si pasion natyrën dhe makinat klasike.
Ata duket se i bashkon të gjithë një gjë, “Mercedes Benz-i”, të cilët ata i mbajnë si tashmë më shumë se sa si automjete pune, si suvenirë.
Sot klubi i “Mercedes-Benzit Fier-Lushnjë” ka zhvilluar një udhëtim në parkun kombëtar të Divjakë-Karavastasë, prej nga ku automjetet klasike të vëna në autokolonë kanë përshkuar disa prej zonave më të bukura të krahinës së Myzeqesë.
Drejtuesit e këtyre mjeteve kanë ekspozuar me atë në fotove të tyre, jo vetëm bukuritë natyrore dhe traditat e kësaj zone, unike për vlerat e saj, por janë munduar që të bëjnë edhe një reklamë të Shqipërisë turistike.
Në lidhje me aksidentet e shumta që po ndodhin në këto kohë nëpër rrugët e Shqipërisë, ku shumë i lartë është edhe numri i viktimave, djemtë nga Lushnja e Fieri janë munduar që të japin edhe një mesazh sensibilizues.
“Ngisni me ngadalë! Jeta dhe Shqipëria janë shumë të bukura dhe duhen shijuar që të dyja!”,- ishte mesazhi i automobilistëve myzeqar këtë të dielë.
/Priza.al/
