Stuhia Ciaran goditi Evropën Perëndimore të enjten, duke vrarë gjashtë persona dhe duke detyruar shkollat, aeroportet dhe shërbimet e trenave të mbyllen.
Një shofer kamioni u vra kur një pemë ra mbi të në Francë, ndërsa një vdekje e dytë u raportua në Le Havre, sipas autoriteteve. Rënia e pemëve shkaktoi gjithashtu vdekjen e një gruaje në kryeqytetin spanjoll Madrid dhe një tjetër në jug të Holandës, thanë shërbimet lokale të urgjencës dhe policia.
Dutch Airline KLM anuloi qindra fluturime për dhe nga Amsterdami, ndërsa trenat ndërkombëtarë nga kryeqyteti holandez në Paris u anuluan gjithashtu dhe korsitë e transportit në jugperëndim të vendit u mbyllën. Operatori i aeroportit AENA tha se 42 fluturime në Spanjë u anuluan. Agjencia shtetërore e motit të Spanjës AEMET lëshoi gjithashtu paralajmërime të kuqe të enjten për rajonet veriore të Galicia dhe Cantabria, ku priten valë deri në 9 metra, raporton Reuters.
La Pinilla, një vendpushim skijimi në veri të Madridit, dhe Estaca de Bares në Galicia regjistruan shpejtësi të erës prej më shumë se 150 km / orë, tha AEMET.
