13 shqiptarë dhe tre shtetas italianë janë nën hetim për një xhiro faturash false me vlerë 30 milion euro.
Operacioni u zhvillua kundër një konsorciumi të kooperativave që operojnë në fushën e furnizimit të shërbimeve portare dhe të transportit, i cili udhëhiqej nga drejtori 49-vjeçar nga Shqipëria dhe një bashkëatdhetar i tij 31-vjeçar.
Sipas raportimeve nga Guardia di Finanza janë konfiskuar prona me vlerë 14 milion euro dhe një mori kontratash për shërbime transporti dhe porte të nënkontraktuara menjëherë te kooperativat e konsorciumit. Të dyshuarit akuzohen në mënyra të ndryshme për krime të lëshimit ose përdorimit të faturave për operacione jo-ekzistuese dhe mospagimit të TVSH-së.
/Burimi: Ilsitodifirenze/ Përshtati: Priza.al/
