Asnjëherë nuk është vonë për të filluar ushtrimet dhe për ta kthyer atë në një zakon.
Si fillestar në ushtrimet fizike, është e rëndësishme siguria e ushqimeve që konsumoni.
Një dëmtim serioz i stërvitjes mund t’ju shkaktojë një pauzë disa mujore dhe statistikat kanë treguar që fillestarët kanë më shumë të ngjarë të dëmtohen gjatë procesit stërvitor.
Hodhuni një sy këshillave të mëposhtme, nëse po synoni të nisni stërvitjen.
- Filloni ngadalë
Motivimi dhe entuziasmi janë pikat kyce të të gjithë stërvitjes, mirëpo këto emocione mund t’ju shtyjnë drejt presionit duke shkaktuar lëndime që për momentin nuk janë të dukshme derisa të ftohet trupi.
Mund të nisni ngadalë dhe duke ndjekur disa udhëzime. Një trajner personal do ishte zgjidhja ideale, pasi do të kishit një program trajnimi fillestar në përputhje me nivelin tuaj aktual të fitnesit.
- Ngrohuni para se të ushtroheni
Para stërvitjes filloni me një aktivitet të lehtë. Në këtë mënyrë do të rrisni rrahjet e zemrës dhe përgatisni muskujt. Ngrohja mund të parandalojë dëmtimet dhe ta bëjë stërvitjen tuaj më efektive.
- Bëni shtrirje ndërsa trupi juaj është i ngrohtë
Ngrohjet duhet të zgjasin nga pesë deri në dhjetë minuta. Pas ngrohjes duhet të shtriheni, gjë që ndihmon në çlodhjen e trupit dhe gjithashtu mund të parandalojë dëmtimet, përveç sigurimit të disa përfitimeve të tjera.
Është gjithashtu e rëndësishme të siguroheni që po shtrini grupet e duhura të muskujve.
- Respektoni periudhën e qetësimit
Qëndrimi në këmbë ose ulur, ndërkohë që ritmi i zemrës është i lartë shkakton stres të panevojshëm në sistemin kardiovaskular. Ndaj provoni të ecni dhe të bëni lëvizje të tjera për t’i dhënë trupit mundësinë që të kthehet në gjendjen e tij normale.
- Bëni një kontroll shëndetësor
Një pikë tjetër e rëndësishme është të kontaktoni me mjekun tuaj para se të nisni ushtrimet për t’u siguruar që shëndeti juaj është në rregull. Pas tij, këshillohet një kontroll rutinë një herë në vit.
/Priza.al/
