Avionët luftarakë amerikanë kanë rrëzuar një raketë në Detin e Kuq, pranë zonës së kontrolluar nga Houthi në Jemen.
Sipas ushtrisë amerikane, raketa u qëllua në drejtim të USS Laboon, i cili operonte në Detin e Kuq jugor. Nuk raportohet për të lënduar apo dëme. Sulmet nga SHBA dhe Britania e Madhe kundër objektivave Houthi në Jemen javën e kaluar shënuan një përgjigje të rëndësishme pasi administrata Biden dhe aleatët e saj paralajmëruan grupin militant të mbështetur nga Irani se do të përballej me pasoja, lidhur me sulmet ndaj anijeve tregtare në Detin e Kuq, citon CNN.
Situata në Jemen shihet si pikë kyçe kryesore në frikën se lufta Izrael-Hamas do të zgjerohet më tej në Lindjen e Mesme, duke përfshirë grupe përfaqësuese iraniane si Houthis dhe Hezbollah në Liban.
