Moderatorja e njohur Roza Lati ka rrëfyer për herë të parë ndjesitë që ka përjetuar pas ndarjes nga partneri i saj, një histori që ka marrë fund para 1 viti.
Roza ka treguar se ka marrë një goditje të fortë pas shpine nga ish i dashuri, gjë që e ka lënduar shumë, por nuk ka rrëfyer më shumë lidhur me arsyet.
“Distanca nuk shtyhet, nuk e kuptova arsyen pse. Në ditët e mia më zeza, ai duhet të gjente kohë për mua. Nuk e lëvizte b*thën, ishte dembel në qenie. Ma bëri një gol në fund, shumë shëmtuar por nuk dua të flas sot për të. Atë golin nuk e kapërdij dot, jo se e dua. Dashuria për të iku një vit më parë. Lutej te mami im që të kthehesha me ta, Rita e donte shumë atë”, tregoi Roza.
