Sali Berisha ka vazhduar me deklaratat nga ballkoni, edhe pse në arrest shtëpie.
“Këto janë momente historike për PD-në, ndaj duhet të ngrihemi të gjithë. Deputetët e opozitës asgjësuan parlamentin e krimit. Ju jeni mbledhur sot këtu në këtë ditë të ftohtë, në këtë ditë shiu.
Nuk jeni këtu për Sali Berishën, por jeni këtu për misionin e madh të shpëtimit të Shqipërisë, jeni këtu për të frymëzuar shqiptarët në këtë betejë jetike, vendimtare për fatin e kombit, fatin e fëmijëve tanë, fatin e vendit tonë. Asnjëherë nuk duhet për asnjë moment të heqim dorë nga kauza jonë e drejtë, por duhet ta mbrojmë atë siç po e mbroni ju”, u shpreh Berisha.
