Moti në vendin tonë vijon të jetë i paqëndrueshëm, ku ditëve të fundit ka pasur reshje të dendura shiu. Po ashtu gjatë natës, në disa akse rrugore ka pasur rënie gurësh dhe dëbore.
“Gjatë orëve të natës ka pasur reshje shiu me intensitet të lartë të cilat kanë shkaktuar renie gurësh e inertesh në akset: Bogë -Theth -Hani i Hotit – Tamarë, Ura e Zapotit- Shishtavec, Dushaj – Sheshi i Trageteve -Lekbibaj.
Autoriteti Rrugor Shqiptar po vijon punën pa ndërprerje për pastrimin e akseve dhe rikthimin e tyre në gjendjen e mëparshme. Në aksin Bogë – Qafë Thore ku ka pasur prezencë të rreshjeve te dëbores, mjetet borëpastruese vijojnë punën për pastrimin e rrugës dhe shpërndarjen e kripës. Qarkullimi në të gjitha akset nacionale kryhet pa probleme . Rekomandohen përdoruesit e rrugës, të lëvizin me shpejtësi të reduktuar, si dhe të ndjekin udhëzimet e Policisë Rrugore
