Humbësit e sfidës të Ferma VIP kanë marrë edhe dënimin e parë nga Agai. Besi iu shpjegoi katër konkurrentëve humbës, Valerit, BabyGee, Xhesikës dhe Renisit vendimin. Ata do të flejnë në një ambient tjetër nga bashkëudhëtarët e tyre në këtë rrugëtim. Bëhet fjalë për një shtëpizë, që Besi e përshkruan si përrallash.
“Keni një suprizë tjetër nga Agai, përveç se do e keni tualetin jashtë, do e keni alla turke”, shpjegoi Besi.
Shtëpiza përbëhet nga krevatë marinari, duke i mohuar humbësve disa nga privilegjet e banorëve të tjerë. Fermerët nuk duhet që të kalojnë gardhin e caktuar nga Agai, teksa do pagëzohen si “fakirët e parë” të këtij formati. Atyre nuk iu lejohet të kalojnë në ambientet e tjera përtej gardhit dhe nesër duhet të zgjohen herët, ku do të merren me punët e fermës, si një parakusht për të hyrë në shtëpi.
