Zbardhen detaje të reja nga hetimet dhe arrestimet ditën e sotme brenda AMP-së Durrës.
Kushtrim Selimi, i shpallur në kërkim për shantazh ndaj zyrtarëve të lartë të policisë nuk përjashtohet se mund të ketë kaluar legalisht jashtë vendit.
Në prangat e policisë kanë rënë Rexhina Omeri, punonjëse e AMP Durrës dhe një gazetar.
Selimi përmes portalit (shqipnews.info) që kishte hapur me Regina Omerin (efektiven e AMP) kishin arritur të publikonin shkrime për drejtuesit e lartë të Policisë së Shtetit.
Qëllimi ishte denigrimi i tyre në publik përmes lajmeve të rreme. Kushtrim Selimi donte që përmes këtyre shkrimeve, përmes presionit, të emërohej drejtor.
