Ditën e sotme kreu i Partisë së lirisë Ilir Meta tha se kampi në Gjadër ku do të strehohen refugjatët akoma nuk është përfunduar dhe se ende nuk ka një afat për ngritjen e tij.
Meta gjithashtu deklaroi se marrëveshja për emigrantët nga Kryeministri Edi Rama me homologen Giorgia Meloni ka hije të errëta korruptive.
“Po ashtu marrëveshja e dyshimtë me Italinë për emigrantët, ka hije të errëta korruptive, madje edhe emergjenca e emigrantëve është kthyer në një gjenerues korrupsioni dhe fakt është kampi që duhej të përfundonte në maj dhe nuk dihet nëse përfundon në fund të dimrit”, tha Meta.
Sipas tij Rama ka mbështetur mafiozët për përfitim interesa publike, si para publike, licensa ndërtimi dhe kjo është përdorur për interesa politike partiake reciproke.
