Ministri i Brendshëm Taulant Balla me anë të një postimi në rrjete sociale ka reaguar në lidhje me aksionin e arrestimit të 9 punonjësve të Aeroportit të Rinasit.
Balla shprehet se disa punonjës policie po njollosin punën e palodhur të mijëra uniformave blu që shërbejnë me vendosmëri të palëkundur ndaj shtetit të së drejtës dhe në mbrojtje të qytetarëve, ndaj po largojmë çdo ditë policët e inkriminuar.
“E nxis AMP të forcojë bashkëpunimin institucional me SPAK, prokuroritë e jurisdiksionit të përgjithshëm, si dhe me agjencitë e tjera të zbatimit të ligjit dhe inteligjencës dhe partnerët tanë ndërkombëtarë, për të garantuar standarde të larta të integritetit dhe pastërtisë së figurës së punonjësve të policisë”, tha Balla.
