Një aksident ka ndodhur në aksin Lezhë-Shkodër ku janë përplasur 4 automjete. Mësohet se disa persona kanë mbetur të plagosur nga kjo përplasje.
Ata janë dërguar në spitalin e Lezhës. Ndërkohë një prej automjeteve ka përfunduar jashtë rrugës, teksa trafiku është rënduar. Policia dhe disa ambulanca kanë shkuar në vendin e ngjarjes.
Policia Lezhë/ Informacion paraprak
Rreth orës 17:25, në aksin rrugor Shkodër-Lezhë, në fshatin Mabë, ka ndodhur një përplasje automjetesh, ku për pasojë kanë marrë dëmtime 4 shtetas, të cilët janë transportuar në spitalin Rajonal Shkodër dhe Lezhë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
