Në një fjalim për mbështetësit e tij në ‘Rrugën e Shpresës’, Kryetari i Partisë Demokratike, Sali Berisha, ka akuzuar mazhorancën socialiste të Edi Ramës për vazhdimin e plaçkitjes së pronave dhe burimeve të mbetura në Shqipëri.
Berisha kritikoi qeverinë për përpjekjet e saj për të shndërruar tunelin e nëndetëseve në Porto Romano në një objekt ushtarak dhe turistik, duke e quajtur këtë një tjetër akt të shpërdorimit të pasurive publike.
“Miq, a dëgjuat dy ditë më parë nën moton ‘rroftë ushtria’ se tunelin e nëndetëseve të Porto Palermos do e shndërronin në përdorim ushtarak dhe turistik.
Hajdutët mor miq, nuk kanë asnjë normë morale.
Mund të numërojnë gjer nesër në mëngjes se një ditë se një ditë e qetë për këtë qeveri është një ditë e zezë për Shqipërinë dhe shqiptarët.
Ndaj dhe beteja e pandalshme është rruga e vetme.
Përballja e guximshme është rruga e vetme për të përmbysur këtë regjim armiqësor, antikombëtar.
Këtë regjim që po plaçkit këtë vend sa askush ndonjëherë në histori”, tha Berisha.
