Më 16 gusht 2024, Gjykata e Durrësit vendosi të lirojë reperin Noizyn nga paraburgimi pas ofrimit të një garancie pasurore prej 5 milion lekësh.
Ky vendim është marrë në kuadër të kërkesës së Prokurorisë dhe ka caktuar garancinë si masë sigurimi në vend të arrestit në burg. Garancia duhet të depozitohet brenda pesë ditëve, dhe prokuroria është ngarkuar për verifikimin e dokumentacionit dhe ekzekutimin e vendimit.
Kundër këtij vendimi mund të bëhet ankim në Gjykatën e Apelit brenda pesë ditëve.
