Këngëtarja Bebe Rexha, e cila përjetoi një incident të pakëndshëm në aeroport, ka reaguar përsëri, duke shprehur pakënaqësinë e saj ndaj trajtimit që mori nga Lufthansa.
Pas një incidenti ku një punonjës i aeroportit kërcënoi se nuk do e linte të udhëtonte pasi ajo përshëndeti në shqip, Rexha ka marrë një kërkesë faljeje nga kompania ajrore.
Megjithatë, ajo ka deklaruar se një “më fal” e thjeshtë nuk është e mjaftueshme për të përballuar këtë situatë të rëndë.
Në një postim në Insta Story, Rexha ka shprehur se është ndjerë shumë e shkatërruar emocionalisht nga ngjarja dhe ka kërkuar një hetim të plotë për të zbuluar identitetin e punonjësit që e ka keqtrajtuar.
