Posta e Kosovës ka hapur të enjten degën e saj të parë në Mitrovicën e Veriut, një hap që ka shkaktuar protesta nga aktivistët e partisë serbe Demokracia Serbe.
Në ceremoninë e hapjes morën pjesë ministrja e Ekonomisë, Artane Rizvanolli, dhe ministri i Administrimit të Pushtetit Lokal, Elbert Krasniqi. Ministrja Rizvanolli theksoi rëndësinë e ofrimit të shërbimeve postare në të gjitha pjesët e Kosovës.
Ndërkohë, Zyra për Kosovën në Qeverinë e Serbisë e konsideroi hapjen e degës si një veprim të njëanshëm dhe të paligjshëm, duke e cilësuar si shkelje të marrëveshjeve të Brukselit.
Ky veprim vjen pas mbylljes së nëntë degëve të Postës së Serbisë në veri të Kosovës, një hap i kritikuar nga SHBA dhe BE.
