Kryeministri Edi Rama ndodhet në Slloveni dhe po merr pjesë në forumin strategjik të BLED.
Në këtë forum kryeministri së bashku me liderët e BE-së kanë diskutuar për sfidat aktuale.
Në fjalën e tij Rama tha se Shqipëria vazhdon të mbetet një aleate e palëkundur e perëndimit.
“Jemi pas Ukrainës, për një arsye shumë të qartë, sepse duket realisht joreale, që në kohët tona, një vend në Evropë të vendosë të ndryshojë kufijtë në mënyrë brutale me dhunë duke marrë atë që pretendon se është pjesë e tij dhe kjo është e pamundur për ne. Jemi shumë të vegjël për të ndryshuar fatin e çdo beteje. Jemi në një linjë me miqtë dhe partnerët tanë, me shtete si ju, të BE. Për ne është shumë e qartë se nuk ka asnjë hije në mes”, tha Rama.
