Mbrëmjen e djeshme, këngëtari i muzikës popullore Ervis Behari i ka dhënë fund beqarisë me një dasmë madhështore mes miqsh dhe familjarëve të tij.
Në dasëm ishin të ftuar aktorë dhe këngëtarë nga të gjitha rrymat muzikore të cilët dhuruan një atmosferë të mrekullueshme duke kënduar e kërcyer së bashku me Ervisin dhe bashkëshorten e tij.
Detaji i cili tërhoqi më shumë vëmendje ishte një fotografi të vogël të nënës së këngëtarit vendosur në anën e zemrës së tij. Nëna e Ervisit është ndarë nga jeta para disa viteve si pasojë e një sëmundje të rëndë dhe artisti ka zgjedhur një mënyrë tepër të veçantë për ta pasur afër vetes.
